ਨਵੀਂ ਦਿੱਲੀ- ਗੈਰ-ਸਰਕਾਰੀ ਸੰਗਠਨ ਚਾਈਲਡ ਰਿਲੀਫ ਐੈਂਡ ਯੂ ਕੇ ਅਨੁਸਾਰ ਦਿੱਲੀ ਵਿੱਚ ਔਸਤਨ ਹਰ ਰੋਜ਼ 14 ਬੱਚੇ ਲਾਪਤਾ ਹੋ ਰਹੇ ਹਨ। ਚਾਈਲਡ ਰਿਲੀਫ ਐਂਡ ਯੂ ਅਤੇ ਅਲਾਇੰਸ ਫਾਰ ਪੀਪੁਲਸ ਰਾਈਟਸ ਦੀ ਇੱਕ ਆਰ ਟੀ ਆਈ ਅਰਜ਼ੀ ਉੱਤੇ ਮਿਲੇ ਜਵਾਬ ਦੇ ਅਨੁਸਾਰ ਦਿੱਲੀ ਵਿੱਚ 2012 ਵਿੱਚ 5,004 ਬੱਚੇ ਲਾਪਤਾ ਹੋਏ ਸਨ, ਜਦ ਕਿ 2010 ਵਿੱਚ ਇਹ ਗਿਣਤੀ 2,161 ਸੀ।
ਰਾਸ਼ਟਰੀ ਬਾਲ ਅਧਿਕਾਰ ਸੁਰੱਖਿਆ ਕਮਿਸ਼ਨ ਦੀ ਮੈਂਬਰ ਨੀਨਾ ਨਾਇਕ ਨੇ ਕਿਹਾ ਹੈ ਕਿ ਜਦੋਂ ਕੋਈ ਬੱਚਾ ਗਾਇਬ ਹੁੰਦਾ ਹੈ, ਬਾਲ ਸੁਰੱਖਿਆ ਨਾਲ ਸੰਬੰਧ ਸਾਰੇ ਪੱਖਾਂ ਨੂੰ ਸੁਚੇਤ ਕਰ ਦਿੱਤਾ ਜਾਣਾ ਚਾਹੀਦਾ ਹੈ। ਸੀ ਆਰ ਵਾਈ ਨੇ ਸੁਝਾਅ ਦਿੱਤਾ ਕਿ ਜਦੋਂ ਕੋਈ ਮਾਤਾ-ਪਿਤਾ ਲਾਪਤਾ ਬੱਚੇ ਦੀ ਸ਼ਿਕਾਇਤ ਕਰਨ ਲਈ ਸੰਪਰਕ ਕਰੇ ਤਾਂ ਪੁਲਸ ਨੂੰ ਪਹਿਲ ਦੇ ਆਧਾਰ ‘ਤੇ ਰਿਪੋਰਟ ਲਿਖਣੀ ਚਾਹੀਦੀ ਹੈ ਤੇ ਬਿਨਾਂ ਦੇਰ ਦੇ ਕਾਰਵਾਈ ਸ਼ੁਰੂ ਕਰ ਦੇਣੀ ਚਾਹੀਦੀ ਹੈ।