ਜਾਪਾਨ 'ਚ ਦੌੜੇਗੀ 600 ਕਿਲੋਮੀਟਰ ਪ੍ਰਤੀ ਘੰਟੇ ਦੀ ਰਫਤਾਰ ਵਾਲੀ ਗੱਡੀ

ਟੋਕੀਓ : ਜਾਪਾਨ 'ਚ ਹੁਣ ਬੁਲੇਟ ਟਰੇਨ ਤੋਂ ਵੀ ਤੇਜ਼ ਰਫਤਾਰ ਵਾਲੀ ਗੱਡੀ ਚੱਲਣ ਦੀ ਤਿਆਰੀ ਸ਼ੁਰੂ ਹੋ ਗਈ ਹੈ। ਸਾਲ 2027 'ਚ ਟੋਕੀਓ ਤੇ ਨਾਗੋਯਾ ਦਰਮਿਆਨ 600 ਕਿਲੋਮੀਟਰ ਪ੍ਰਤੀ ਘੰਟਾ ਦੀ ਰਫਤਾਰ ਨਾਲ ਦੌੜੇਗੀ। ਕਿਊਦੋ ਸਮਾਚਾਰ ਏਜੰਸੀ ਮੁਤਾਬਕ ਜਾਪਾਨੀ ਰੇਲਵੇ ਕੰਪਨੀ ਜੇਆਰ ਸੈਂਟਰਲ ਨੇ ਆਪਣੀ ਮੈਗਨੇਟਿਕ ਟਰੇਨ ਸਰਵਿਸ ਨਿਰਮਾਣ ਪ੍ਰਾਜੈਕਟ ਮੈਗਲੇਵ ਨੂੰ ਜਨਤਕ ਕੀਤਾ। ਇਸ ਦੀ ਰਫਤਾਰ 600 ਕਿਲੋਮੀਟਰ ਪ੍ਰਤੀ ਘੰਟਾ ਹੋਵੇਗੀ। ਜੇ ਆਰ ਸੈਂਟਰਲ ਨੂੰ ਉਮੀਦ ਹੈ ਕਿ ਇਸ ਦਰਮਿਆਨ ਪਹਿਲੇ ਵਪਾਰਕ ਰੂਟ ਦਾ ਸ਼ੁੱਭ ਆਰੰਭ 2027 ਤਕ ਹੋ ਜਾਵੇਗਾ। ਟਰੇਨ ਦੇ ਨਵੇਂ ਮਾਡਲ ਤੋਂ ਇਹ ਦੂਰੀ 286 ਕਿਲੋਮੀਟਰ 40 ਮਿੰਟਾਂ 'ਚ ਤੈਅ ਹੋਵੇਗੀ, ਜਿਸ 'ਚ ਅਜੇ ਬੁਲੇਟ ਟਰੇਨ ਨਾਲ 100 ਮਿੰਟਾਂ ਦਾ ਸਮਾਂ ਲੱਗਦਾ ਹੈ। ਕੰਪਨੀ 2014 ਦੇ ਸ਼ੁਰੂ 'ਚ ਨਵੀਂ ਲਾਈਨ ਦੇ ਨਿਰਮਾਣ ਦਾ ਕੰਮ ਸ਼ੁਰੂ ਕਰੋਗੀ। ਮੈਗਲੇਵ ਪੱਟੜੀਆਂ ਕੋਲ ਲਗਾਏ ਗਈ ਵਿਸ਼ੇਸ਼ ਮੋਟਰ ਨਾਲ ਪੈਦਾ ਹੋਈ ਚੁੰਬਕੀ ਖੇਤਰ 'ਤੇ ਕੰਮ ਕਰਦੀ ਹੈ। ਫਿਲਹਾਲ ਇਹ ਕੰਪਨੀ ਦੇਸ਼ ਦੇ ਚਾਰ ਵੱਡੇ ਸ਼ਹਿਰਾਂ ਟੋਕੀਓ, ਯੋਕੋਹਾਮਾ, ਓਸਾਕਾ ਤੇ ਨਾਯੋਗਾ ਦਰਮਿਆਨ ਸੁਪਰ ਕੰਡਕਟਿੰਗ ਮੈਗਨੇਟ ਦੀ ਵਰਤੋਂ ਕਰ ਕੇ ਬੁਲੇਟ ਟਰੇਨ ਚਲਾ ਰਹੀ ਹੈ।