2009 'ਚ ਸਭ ਤੋਂ ਜ਼ਿਆਦਾ 449 ਕਰੋੜ ਖਰਚ ਕਰ ਕੇ ਵੀ ਚੋਣਾਂ 'ਚ ਹਾਰ ਗਈ ਭਾਜਪਾ

ਨਵੀਂ ਦਿੱਲੀ- ਲੋਕਸਭਾ ਚੋਣਾਂ 'ਚ ਖਰਚ ਦੇ ਮਾਮਲੇ 'ਚ ਕਾਂਗਰਸ ਸਮੇਤ ਹੋਰ ਦਲਾਂ ਦੀ ਤੁਲਨਾ 'ਚ ਭਾਜਪਾ ਕਾਫ਼ੀ ਅੱਗੇ ਹੈ। ਚੋਣ ਕਮਿਸ਼ਨ ਨੂੰ ਦਲਾਂ ਦੇ ਵੱਲੋਂ ਸੌਂਪੇ ਗਏ ਚੋਣਾਵੀ ਖਰਚ ਦੇ ਵੇਰਵਿਆਂ ਦੇ ਮੁਤਾਬਕ ਭਾਜਪਾ ਪਿਛਲੀਆਂ ਆਮ ਚੋਣਾਂ 'ਚ 448. 67 ਕਰੋੜ ਰੁਪਏ ਖਰਚ ਕਰ ਕੇ ਵੀ ਚੋਣਾਂ 'ਚ ਹਾਰ ਗਈ। ਸੱਤਾਧਾਰੀ ਕਾਂਗਰਸ ਨੇ 380. 04 ਕਰੋੜ ਰੁਪਏ ਖਰਚ ਕੀਤੇ ਜੋ ਵਿਰੋਧੀ ਦਲ ਦੇ ਵੱਲੋਂ ਖਰਚ ਕੀਤੀ ਗਈ ਰਾਸ਼ੀ ਤੋਂ 68. 63 ਕਰੋੜ ਰੁਪਏ ਘੱਟ ਹਨ। ਭਾਜਪਾ ਦੇ ਕੁਲ ਚੋਣ ਖਰਚ 'ਚੋਂ ਪਾਰਟੀ ਦੇ ਕੇਂਦਰੀ ਦਫ਼ਤਰ ਦੇ ਵੱਲੋਂ 162. 69 ਕਰੋੜ ਰੁਪਏ ਖਰਚ ਕੀਤੇ ਗਏ, ਜਦੋਂ ਕਿ 285. 98 ਕਰੋੜ ਰੁਪਏ ਰਾਜ ਪੱਧਰ 'ਤੇ ਖਰਚ ਕੀਤੇ ਗਏ।