ਸੰਜੈ ਦੱਤ ਨੂੰ ਜੇਲ੍ਹ ਤੋਂ ਮਿਲੀ ਛੁੱਟੀ 14 ਦਿਨ ਲਈ ਹੋਰ ਵਧੀ

ਪੁਣੇ- ਮੁੰਬਈ 'ਚ 1993 'ਚ ਹੋਏ ਲੜੀਵਾਰ ਬੰਬ ਧਮਾਕਿਆਂ ਨਾਲ ਜੁੜੇ ਗ਼ੈਰਕਾਨੂੰਨੀ ਹਥਿਆਰ ਰੱਖਣ ਦੇ ਮਾਮਲੇ 'ਚ ਕੈਦ ਦੀ ਸਜ਼ਾ ਕੱਟ ਰਹੇ ਐਕਟਰ ਸੰਜੈ ਦੱਤ ਨੂੰ ਜੇਲ੍ਹ ਤੋਂ ਮਿਲੀ ਛੁੱਟੀ ਅੱਜ 14 ਦਿਨ ਲਈ ਹੋਰ ਵਧਾ ਦਿੱਤੀ ਗਈ। ਇਹ ਜਾਣਕਾਰੀ ਜੇਲ੍ਹ ਅਧਿਕਾਰੀਆਂ ਨੇ ਦਿੱਤੀ। ਜੇਲ੍ਹ ਤੋਂ 14 ਦਿਨ ਦੀ ਛੁੱਟੀ ਲੈ ਕੇ 1 ਅਕਤੂਬਰ ਨੂੰ ਬਾਹਰ ਆਏ ਸੰਜੈ ਦੱਤ ਨੇ ਡਾਕਟਰੀ ਆਧਾਰ 'ਤੇ ਛੁੱਟੀ 14 ਦਿਨ ਲਈ ਹੋਰ ਵਧਾਏ ਜਾਣ ਦੀ ਬੇਨਤੀ ਕੀਤੀ ਸੀ। ਫਿਲਹਾਲ ਉਹ ਮੁੰਬਈ 'ਚ ਆਪਣੇ ਪਰਿਵਾਰ ਦੇ ਨਾਲ ਹਨ। ਉਨ੍ਹਾਂ ਨੂੰ 22 ਮਈ ਨੂੰ ਮੁੰਬਈ ਦੀ ਆਰਥਰ ਰੋਡ ਜੇਲ੍ਹ ਤੋਂ ਯਰਵਦਾ ਜੇਲ੍ਹ 'ਚ ਤਬਦੀਲ ਕਰ ਦਿੱਤਾ ਗਿਆ ਸੀ।