ਅਮਰੀਕਾ ਬਜਟ ਸਮਝੌਤਾ ਪਾਸ - ਸੰਕਟ ਦਾ ਅੰਤ

ਵਾਸ਼ਿੰਗਟਨ- ਦੋ ਹਫਤੇ ਦੇ ਸੰਘਰਸ਼ ਤੋਂ ਬਾਅਦ ਅਮਰੀਕੀ ਸੰਸਦ ਨੇ ਅਖਿਰਕਾਰ ਸਰਕਾਰੀ ਠੱਪ ਕੰਮਕਾਜ ਖਤਮ ਕਰਨ ਦਾ ਰਸਤਾ ਸਾਫ ਕਰ ਦਿੱਤਾ ਹੈ , ਹਾਊਸ ਆਫ ਰਿਪ੍ਰਜੇਂਟੇਟਿਵ ਨੇ ਵੀ ਸੈਨੇਟ ਦੇ ਰਾਹ 'ਤੇ ਚੱਲਦੇ ਹੋਏ ਬਜਟ ਸਮਝੌਤਾ ਪਾਸ ਕਰ ਦਿੱਤਾ ਹੈ। ਹਾਲਾਂਕਿ ਜਿਆਦਾਤਰ ਰਿਪਬਲਿਕਨ ਇਸ ਸਮਝੌਤੇ ਦੇ ਖਿਲਾਫ ਸਨ। ਉਨ੍ਹਾਂ ਨੇ ਆਪਣੀਆਂ ਬਹੁਤ ਘੱਟ ਮੰਗਾ ਸਵੀਕਾਰ ਹੋਣ ਕਾਰਨ ਅਲੋਚਨਾ ਕੀਤੀ। ਉਨ੍ਹਾਂ ਨੇ ਖਾਸ ਤੌਰ 'ਤੇ ਓਬਾਮਾ ਦੇ ਸਿਹਤ ਸੇਵਾ ਸੁਧਾਰ ਨਾਲ ਜੁੜੇ ਮੁੱਦੇ ਦੀ ਅਲੋਚਨਾ ਕੀਤੀ। ਰਾਸ਼ਟਰਪਤੀ ਓਬਾਮਾ ਨੇ ਕਿਹਾ ਕਿ ਇਸ ਬਿਲ ਨੂੰ ਕਾਨੂੰਨ ਦੀ ਸ਼ਕਲ ਦੇਣ ਲਈ ਜਲਦ ਤੋਂ ਜਲਦ ਇਸ 'ਤੇ ਦਸਤਖਤ ਕਰਨਗੇ। ਉਨ੍ਹਾਂ ਨੇ ਉਮੀਦ ਜਤਾਈ ਕਿ ਇਹ ਸਰਕਾਰ ਲਈ ਸੰਕਟ ਦਾ ਅੰਤ ਹੈ।