ਮੋਦੀ ਨੂੰ ਹੀਰੋ ਬਣਾਉਣ ਲਈ ਭਾਜਪਾ ਨੇ ਕਰਵਾਇਆ ਬਲਾਸਟ: ਸੁਬੋਧ ਕਾਂਤ ਸਹਾਏ

ਨਵੀਂ ਦਿੱਲੀ - ਪਟਨਾ 'ਚ ਭਾਰਤੀ ਜਨਤਾ ਪਾਰਟੀ (ਬੀਜੇਪੀ) ਦੀ ਹੁੰਕਾਰ ਰੈਲੀ 'ਚ ਐਤਵਾਰ ਨੂੰ ਜੋ ਬਲਾਸਟ ਹੋਏ ਉਹ ਪ੍ਰਬੰਧਕੀ ਚੂਕ ਸੀ ਜਾਂ ਫਿਰ ਕੋਈ ਵੱਡੀ ਸਾਜਿਸ਼ ਇਸ 'ਤੇ ਬਹਿਸ ਛਿੜ ਗਈ ਹੈ। ਸਿਆਸੀ ਗਲਿਆਰਿਆਂ ਵਲੋਂ ਬਲਾਸਟ ਨੂੰ ਲੈ ਕੇ ਕਈ ਪ੍ਰਤੀਕ੍ਰਿਆਵਾਂ ਆ ਰਹੀਆਂ ਹਨ। ਰਾਂਚੀ ਤੋਂ ਕਾਂਗਰਸ ਸੰਸਦ ਤੇ ਸਾਬਕਾ ਕੇਂਦਰੀ ਮੰਤਰੀ ਸੁਬੋਧ ਕਾਂਤ ਸਹਾਏ ਨੇ ਤਾਂ ਇੱਥੇ ਤੱਕ ਕਹਿ ਦਿੱਤਾ ਕਿ ਨਰਿੰਦਰ ਮੋਦੀ ਨੂੰ ਹੀਰੋ ਬਣਾਉਣ ਲਈ ਬਲਾਸਟ ਕਰਵਾਏ ਗਏ। ਸੁਬੋਧ ਕਾਂਤ ਸਹਾਏ ਦੇ ਮੁਤਾਬਕ, ਬੀਜੇਪੀ ਨੇ ਮੋਦੀ ਨੂੰ ਹੀਰੋ ਬਣਾਉਣ ਲਈ ਧਮਾਕੇ ਕਰਵਾਏ ਹਨ। ਇਹ ਸੋਚੀ ਸਮਝੀ ਸਾਜਿਸ਼ ਦੇ ਤਹਿਤ ਕੀਤਾ ਗਿਆ ਹੈ, ਜਿਸ ਦੇ ਨਾਲ ਉਨ੍ਹਾਂ ਦੀ ਰੈਲੀ ਹੈਡਲਾਇਨ ਬਣ ਸਕੇ। ਬੀਜੇਪੀ ਦੇ ਪ੍ਰਧਾਨ ਮੰਤਰੀ ਪਦ ਦੇ ਉਂਮੀਦਵਾਰ ਮੋਦੀ ਦੀ ਰੈਲੀ ਨੂੰ ਨਿਸ਼ਾਨਾ ਬਣਾ ਕੇ ਕੀਤੇ ਗਏ ਇਮ੍ਹਾਂ ਧਮਾਕਿਆਂ 'ਚ 6 ਲੋਕਾਂ ਦੀ ਮੌਤ ਹੋ ਗਈ ਜਦੋਂ ਕਿ ਕਈ ਲੋਕ ਜ਼ਖ਼ਮੀਂ ਹੋ ਗਏ। ਉਥੇ ਹੀ ਕਾਂਗਰਸ ਨੇਤਾ ਰਾਸ਼ਿਦ ਅਲਵੀ ਨੇ ਕਿਹਾ ਕਿ ਜਾਂਚ 'ਚ ਇਹ ਵੀ ਪਤਾ ਲਗਾਇਆ ਜਾਣਾ ਚਾਹੀਦਾ ਹੈ ਕਿ ਕੀ ਨਿਜੀ ਫਾਇਦੇ ਲਈ ਬਲਾਸਟ ਦੇ ਪਿੱਛੇ ਕਿਸੇ ਰਾਜਨੀਤਕ ਦਲ ਦਾ ਤਾਂ ਹੱਥ ਨਹੀਂ ਸੀ।