ਪਿ੍ਅੰਕਾ ਗਾਂਧੀ ਦੀ ਸਰਗਰਮ ਸਿਆਸਤ 'ਚ ਦਾਖਲੇ ਦੀ ਤਿਆਰੀ

ਰਾਏਬਰੇਲੀ : ਕਾਂਗਰਸ ਦੀ ਪ੍ਰਧਾਨ ਸੋਨੀਆ ਗਾਂਧੀ ਦੀ ਧੀ ਅਤੇ ਪਾਰਟੀ ਦੀ ਸਟਾਰ ਪ੍ਰਚਾਰਕ ਪਿ੍ਅੰਕਾ ਗਾਂਧੀ ਸੋਮਵਾਰ ਤੋਂ ਆਪਣੀ ਮਾਂ ਦੇ ਸੰਸਦੀ ਖੇਤਰ 'ਚ ਸਿਆਸੀ ਤੌਰ 'ਤੇ ਸਰਗਰਮ ਹੋ ਗਈ ਹੈ। ਗਾਂਧੀ ਵਾਂਗ ਉਹ ਆਪਣੀ ਦੋ ਦਿਨਾਂ ਦੀ ਰਾਏਬਰੇਲੀ ਯਾਤਰਾ ਦੌਰਾਨ ਪਿੰਡ 'ਚ ਅਚਾਨਕ ਦੌਰਾ ਕਰਕੇ ਵਿਕਾਸ ਕਾਰਜਾਂ ਦੀ ਸਮੀਖਿਆ ਕਰੇਗੀ ਅਤੇ ਪਹਿਲੀ ਵਾਰ ਉਹ ਜਨਤਾ ਦੇ ਦਰਬਾਰ ਵੀ ਲਗਾਏਗੀ, ਜਿਸ ਵਿਚ ਉਹ ਸਥਾਨਕ ਲੋਕਾਂ ਦੀਆਂ ਸਮੱਸਿਆਵਾਂ ਸੁਣੇਗੀ। ਪਿ੍ਅੰਕਾ ਉਂਝ ਤਾਂ ਆਪਣੀ ਮਾਂ ਦੇ ਸੰਸਦੀ ਖੇਤਰ 'ਚ ਸਟਾਰ ਪ੍ਰਚਾਰਕ ਦੇ ਰੂਪ 'ਚ ਸਰਗਰਮ ਰਹੀ ਪਰ ਪਾਰਟੀ ਦੇ ਸੂਤਰਾਂ ਮੁਤਾਬਕ, ਉਹ ਪਹਿਲੀ ਵਾਰ ਜਨਤਾ ਨਾਲ ਸਿੱਧੀ ਗੱਲਬਾਤ ਕਰੇਗੀ, ਜਿਸਨੂੰ ਉਨ੍ਹਾਂ ਦੀ ਸਰਗਰਮ ਸਿਆਸਤ 'ਚ ਦਾਖਲੇ ਦੋ ਤੌਰ 'ਤੇ ਦੇਖਿਆ ਜਾ ਰਿਹਾ ਹੈ। ਪਿ੍ਰਅੰਕਾ ਪਿਛਲੇ ਦੋ ਸਾਲਾਂ ਤੋਂ ਰਾਏਬਰੇਲੀ 'ਚ ਪਾਰਟੀ ਸੰਗਠਨ ਨੂੰ ਮਜ਼ਬੂਤ ਕਰਨ 'ਚ ਲੱਗੀ ਸੀ ਅਤੇ ਜ਼ਿਲ੍ਹਾ ਕਾਂਗਰਸ ਕਮੇਟੀ ਦੇ ਅਹੁਦੇਦਾਰਾਂ ਦੀ ਨਿਯੁਕਤੀ ਲਈ ਉਨ੍ਹਾਂ ਨੇ ਵਰਕਰਾਂ ਦੀ ਇੰਟਰਵਿਊ ਵੀ ਲਈ ਗਈ ਸੀ। ਆਮ ਤੌਰ 'ਤੇ ਉਹ ਰਾਏਬਰੇਲੀ ਸੋਨੀਆ ਗਾਂਧੀ ਦੇ ਨਾਲ ਹੀ ਆਉਂਦੀ ਰਹੀ ਹੈ ਪਰ ਪਿਛਲੇ ਦਿਨੀਂ ਉਹ ਕੀ ਵਾਰੀ ਇਕੱਲੇ ਵੀ ਇੱਥੇ ਆਈ।