ਸਾਰਿਆਂ ਨੂੰ ਧਰਮ-ਨਿਰਪੱਖ ਨਜ਼ਰ ਆਉਣ ਦੀ ਕਾਹਲੀ- ਸ਼ਿਵ ਸੈਨਾ

ਨਵੀਂ ਦਿੱਲੀ- ਭਾਜਪਾ ਦੇ ਪ੍ਰਧਾਨ ਮੰਤਰੀ ਅਹੁਦੇ ਦੇ ਉਮੀਦਵਾਰ ਨਰਿੰਦਰ ਮੋਦੀ ਆਪਣੇ ਹੀ ਸਹਿਯੋਗੀ ਦਲਾਂ ਦੀ ਵਿਰੋਧਤਾ ਨਾਲ ਨਜਿੱਠ ਨਹੀਂ ਪਾ ਰਹੇ ਹਨ। ਐਨ. ਡੀ. ਏ. ਸਹਿਯੋਗੀ ਦਲ 'ਚ ਸ਼ਾਮਿਲ ਸ਼ਿਵ ਸੈਨਾ ਨੇ ਇਕ ਵਾਰ ਫਿਰ ਨਰਿੰਦਰ ਮੋਦੀ 'ਤੇ ਨਿਸ਼ਾਨਾ ਸਾਧਿਆ ਹੈ। ਮੋਦੀ ਦੀਆਂ ਰੈਲੀਆਂ 'ਚ ਬੁਰਕੇ ਵਾਲੀਆਂ ਔਰਤਾਂ ਨੂੰ ਬੁਲਾਉਣ 'ਤੇ ਸ਼ਿਵ ਸੈਨਾ ਨੇ ਗੁੱਸੇ 'ਚ ਆ ਕੇ ਸ਼ਬਦੀ ਹਮਲਾ ਕਰਦਿਆਂ ਕਿਹਾ ਕਿ ਸਾਰਿਆਂ ਨੂੰ ਧਰਮ ਨਿਰਪੱਖ ਵਿਖਾਉਣ ਦੀ ਜਲਦੀ ਹੈ। 

ਸੰਪਾਦਕੀ 'ਚ ਲਿਖਿਆ ਗਿਆ ਹੈ ਕਿ ਸਿਆਸਤ 'ਚ ਰਹਿਣ ਲਈ ਰਾਮ ਮੰਦਿਰ, ਸਮਾਨ ਨਾਗਰਿਕ ਕਾਨੂੰਨ ਵਰਗੇ ਮੁੱਦਿਆਂ ਨੂੰ ਹਾਸ਼ੀਏ 'ਤੇ ਰੱਖ ਕੇ ਜਨਤਕ ਰੈਲੀਆਂ 'ਚ ਬੁਰਕੇ ਵਾਲੀਆਂ ਔਰਤਾਂ ਦੀ ਹਾਜ਼ਰੀ ਵਿਖਾਈ ਜਾ ਰਹੀ ਹੈ। ਇਸ 'ਚ ਲਿਖਿਆ ਗਿਆ ਹੈ ਕਿ ਸਾਰਿਆਂ ਨੂੰ ਧਰਮ ਨਿਰਪੱਖ ਵਿਖਾਉਣ ਦੀ ਜਲਦੀ ਹੈ ਤੇ ਸਾਰਿਆਂ ਨੂੰ ਮੁਸਲਮਾਨਾਂ ਦੇ ਹਮਾਇਤੀ ਹੋਣ ਬਾਰੇ ਦੱਸਣਾ ਹੈ। ਉਧਰ ਮਨੀਸ਼ੰਕਰ ਨੇ ਦੁਬਈ 'ਚ ਕਿਹਾ ਕਿ ਭਾਰਤ ਦਾ ਪ੍ਰਧਾਨ ਮੰਤਰੀ ਮੁਸਲਮਾਨ ਤੈਅ ਕਰਦੇ ਹਨ, ਇਸ ਲਈ ਮੁਸਲਮਾਨਾਂ ਨੂੰ ਖੁਸ਼ ਕਰਨ ਲਈ ਹਰ ਪਾਰਟੀ ਯਤਨ ਕਰਦੀ ਹੈ।