ਮੁਲਾਇਮ ਤੇ ਭਾਜਪਾ ਦੀ ਪੈਦਾਇਸ਼ ਹੈ ਇੰਡੀਅਨ ਮੁਜਾਹਦੀਨ- ਬੇਨੀ ਪ੍ਰਸਾਦ ਵਰਮਾ

ਗੋਂਡਾ (ਉੱਤਰ ਪ੍ਰਦੇਸ਼) - ਆਪਣੇ ਬੜਬੋਲੇ ਬਿਆਨਾਂ ਲਈ ਮਸ਼ਹੂਰ ਕਾਂਗਰਸੀ ਸੰਸਦ ਤੇ ਕੇਂਦਰੀ ਇਸਪਾਤ ਮੰਤਰੀ ਬੇਨੀ ਪ੍ਰਸਾਦ ਵਰਮਾ ਨੇ ਇੱਕ ਵਾਰ ਫਿਰ ਆਪਣਾ ਮੂੰਹ ਖੋਲ੍ਹਿਆ ਤੇ ਵਿਵਾਦ ਖੜ੍ਹਾ ਕਰ ਦਿੱਤਾ। ਬੇਨੀ ਬਾਬੂ ਨੇ ਕਿਹਾ ਕਿ ਅੱਤਵਾਦੀ ਸੰਗਠਨ ਇੰਡੀਅਨ ਮੁਜਾਹਦੀਨ ਮੁਲਾਇਮ ਸਿੰਘ ਯਾਦਵ ਤੇ ਭਾਜਪਾ ਦੀ ਪੈਦਾਇਸ਼ ਹੈ। ਉਥੇ ਹੀ ਨਰੇਂਦਰ ਮੋਦੀ ਦੇ ਬਹਿਰਾਇਚ 'ਚ ਦਿੱਤੇ ਗਏ ਭਾਸ਼ਣ 'ਤੇ ਤਿੱਖੀ ਪ੍ਰਤੀਕ੍ਰਿਆ ਦਿੰਦੇ ਹੋਏ ਕਿਹਾ ਕਿ ਉਨ੍ਹਾਂ ਨੇ ਮੋਦੀ ਦਾ ਅਜਿਹਾ ਕਰੂਰ ਚਿਹਰਾ ਪਹਿਲਾਂ ਕਦੇ ਨਹੀਂ ਵੇਖਿਆ। ਮੋਦੀ ਤੇ ਮੁਲਾਇਮ 'ਤੇ ਭਵਿੱਖਵਾਣੀ ਕਰਦੇ ਹੋਏ ਬੇਨੀ ਬਾਬੂ ਨੇ ਕਿਹਾ ਕਿ ਅਗਲੀਆਂ ਚੋਣਾਂ 'ਚ ਮੁਲਾਇਮ ਨੂੰ ਬਸ 2 ਸੀਟਾਂ ਹੀ ਮਿਲਣਗੀਆਂ, ਜਦੋਂ ਕਿ ਭਾਜਪਾ ਪੂਰੇ ਦੇਸ਼ 'ਚ 80 ਸੀਟਾਂ ਦੇ ਅੰਕੜੇ 'ਤੋਂ ਉੱਪਰ ਨਹੀਂ ਜਾ ਸਕੇਗੀ।