ਪਾਕਿਸਤਾਨ ਨੇ ਜਿੱਤਿਆ ਤੀਸਰੀ ਏਸ਼ੀਅਨ ਹਾਕੀ ਚੈਂਪੀਅਨ ਟਰਾਫੀ ਦਾ ਖ਼ਿਤਾਬ

ਓਮਾਨ ਨੂੰ 1-6 ਨਾਲ ਹਰਾਕੇ ਭਾਰਤ ਪੰਜਵੇਂ ਸਥਾਨ ਤੇ ਰਿਹਾ

ਫ਼ਿੰਨਲੈਂਡ 10 ਨਵੰਬਰ(ਵਿੱਕੀ ਮੋਗਾ)- ਤੀਸਰੀ ਏਸ਼ੀਅਨ ਹਾਕੀ ਚੈਂਪੀਅਨ ਟਰਾਫੀ ਦੇ ਪੁਰਸ਼ਾਂ ਦੇ ਵਰਗ ਦਾ ਖ਼ਿਤਾਬ ਪਾਕਿਸਤਾਨ ਨੇ ਜਾਪਾਨ ਨੂੰ 3-1 ਨਾਲ ਹਰਾਕੇ ਲਗਾਤਾਰ ਦੂਸਰੀ ਵਾਰ ਆਪਣੇ ਨਾਮ ਕਰ ਲਿਆ ਹੈ। ਪਿਛਲੇ ਸਾਲ ਪਾਕਿਸਤਾਨ ਨੇ ਭਾਰਤ ਨੂੰ ਫ਼ਾਈਨਲ ਵਿੱਚ ਹਰਾਇਆ ਸੀ। ਜਾਪਾਨ ਦੇ ਗਿਫੁ ਦੇ ਗਰੀਨ ਹਾਕੀ ਸਟੇਡੀਅਮ ਵਿੱਚ ਖੇਡੇ ਗਏ ਫ਼ਾਈਨਲ ਮੈਚ ਵਿੱਚ ਜਾਪਾਨ ਦੇ ਕੇਈ ਕਾਵਾਕਾਮੀ ਨੇ 11ਵੇਂ ਮਿੰਟ ਵਿੱਚ ਫੀਲਡ ਗੋਲ ਕਰਕੇ 1-0 ਨਾਲ ਬੜ੍ਹਤ ਲੈ ਲਈ। ਅੱਧ ਸਮੇਂ ਤੱਕ ਜਾਪਾਨ 1-0 ਨਾਲ ਅੱਗੇ ਸੀ ਪਰ ਮੈਚ ਦੇ ਦੂਸਰੇ ਅੱਧ ਵਿੱਚ ਪਾਕਿਸਤਾਨ ਨੇ ਜ਼ਬਰਦਸਤ ਵਾਪਸੀ ਕਰਦਿਆਂ 40ਵੇਂ, 61ਵੇਂ ਅਤੇ 65ਵੇਂ ਮਿੰਟ ਵਿੱਚ ਲਗਾਤਾਰ ਤਿੰਨ ਫ਼ੀਲਡ ਗੋਲ ਦਾਗ ਕੇ ਮੈਚ ਨੂੰ 3-0 ਨਾਲ ਜਿੱਤ ਲਿਆ। ਤੀਸਰੇ ਸਥਾਨ ਲਈ ਅੱਜ ਖੇਡੇ ਗਏ ਮੈਚ ਵਿੱਚ ਮਲੇਸ਼ੀਆ ਨੇ ਚੀਨ ਨੂੰ 3-0 ਨਾਲ ਹਰਾਕੇ ਕਾਂਸੀ ਦਾ ਤਮਗਾ ਜਿੱਤਿਆ। ਪੰਜਵੇ ਸਥਾਨ ਲਈ ਭਾਰਤ ਅਤੇ ਓਮਾਨ ਵਿਚਕਾਰ ਹੋਏ ਮੁਕਾਬਲੇ ਵਿੱਚ ਭਾਰਤ ਨੇ ਓਮਾਨ ਨੂੰ 6-1 ਨਾਲ ਹਰਾਕੇ 5ਵਾਂ ਸਥਾਨ ਹਾਸਿਲ ਕੀਤਾ। ਭਾਰਤ ਵਲੋਂ ਅਕਾਸ਼ਦੀਪ ਸਿੰਘ ਨੇ ਅੱਜ ਤਿੰਨ ਗੋਲ ਦਾਗੇ ਜਦਕਿ ਕੋਠਾਜੀਤ, ਗੁਰਜਿੰਦਰ ਸਿੰਘ ਅਤੇ ਮਲਕ ਸਿੰਘ ਨੇ ਇੱਕ-ਇੱਕ ਗੋਲ ਕੀਤਾ। ਗੌਰਤਲਬ ਰਹੇ ਕੇ ਜੂਨੀਅਰ ਵਿਸ਼ਵ ਕੱਪ ਨੂੰ ਮੱਦੇਨਜ਼ਰ ਰੱਖਦੇ ਹੋਏ ਭਾਰਤ ਵਲੋਂ ਜੂਨੀਅਰ ਟੀਮ ਨੇ ਇਸ ਟੂਰਨਾਂਮੈਂਟ ਵਿੱਚ ਹਿੱਸਾ ਲਿਆ ਸੀ।